1. Чыла аракан тамже икгай, лач варажым мом ыштен коштметше тӱрлӧ лиеш.

2. Ветеран дене кутырымаш гыч.

- Кочай,  а мыняр еҥым тый сар жапыште пуштынат?

- Иктымат уке.

- А кушечын тынар наградетше?.

- Шуко фашистым пытарымылан.

3. Российысе химик-влак пеҥгыдемден ойлат:. Ик ате ошым йӱмӧ деч вара, кок тӱрлӧ йылман-влак коклаште  йылме  умылдымаш йомеш.

4. Пӧръеҥын  муралтымыже да кушталтымыже шуеш. Но тидым ышташ пеш неле. Оньыкуван колоткаже вачым темда.

 5. Шочмо кечын СМС-влакым нальым. Эн кугу йолташем-влак   банк да сото компаний улыт  умылышым. Нунак веле саламленыт.

6. Сема кузе шонет, могай пелаш сайрак. Туныктышо але врач.

- Туныктышо .

- Молан?

- Туныктышо  «адак  йоҥылыш, угыч  тӧрлыман» манеш гын, врач -  «Чыла! Весым кычкыралза» веле манын каласа..

 7. Путин дене Буш кол кучаш миеныт.

Коктынат кол еҥырым кудалтат, шинчат. Путин кол чичкам  тӱткын ончен шинча. Буш гын то саҥга, то шӱргӧ, то шӱй гыч лупша. Шкежым удырен  пытарен . Онча Путин гын огешат тарване.

- Вольдемар ,а молан тендам шыҥа-влак огыт коч -йодеш

- Мыйым ок лий -  вашмут йоҥга.

8. Сай пашадар тиде, кунам вес пашадар налаш жап шуын, а  тый эше ондакысым кучылт пытарен  отыл.

9. Начальник-влакын йӧратыме- ойышт – «Верышкет вич еҥ черетыште шога».  Кунам отпуск  шуеш гын, тыйын олмеш нигӧм кодаш.

10. Ӱдырамаш-влак светофор гай улыт. Ондак йошкарге йӱла, вара нарынче чӱкталтеш, вучен шуктет гын ужарге лиеш.

Но пӧръеҥ шамыч вет водитель гаяк улыт. Светофорым огыт ончо, ончык каят.

1. Вагонышко мӱшкыран ӱдырамаш пура. Кидыштыже изи сумкам кучен. Иктат верым ок пу. Ӱдырамаш ик самырык рвезым ужеш да сумкаж дене пералта. Тудо шинчам почеш, ӱдыраш мӱшкырышкыже ончыкта. Рвезаш лӱдын чытырен ойлаш тӧча:

- Тиде мый огыл. Мый тендам омат пале

 2. — Профессор молан касвелыште ӱстел верч ӱчашат, а мемнан-влак пушкыдо пӱкен верч кучедалыт

- Тушто пашам ыштынешт, а меманан -кугыжалынешт

3. Кок йолташ кутырат.

- Мыйын пошкудо  каныш кечылаште адакат аракам шолтыш.

- Кушеч палетше?

- А тудын кроликышт мыйын пийым кыреныт.

4. Шудо дене эн чапле эмлалтмаш – тиде пушкыдо вер гыч нуж дене кыраш.

5. Самолётыште эн лӱдыкшыдымо вер – шем яшлык.

6.Официально арака йӱдымӧ кечым пайрем кече семын увертареныт. Еҥ-влак огыт пале, кузе палемдашыже?

7. Циркыште у номер.

Ареныш кирзе кемым, фуфайкым  чийыше пӧръеҥ лектеш, да кандыра дене сӧснам вӱда. Покшеке кылден шогалта. Шкеже шеҥгекырак чакна да куржын толын сӧснам чот гына чумалеш. Тыгодым пуйто йодеш:

- Парле ву Франсе?

Сӧсна варгыжалта:

- Уи-и-и-и,

8. Оҥай тиде  - француз калык. Сайлымаш таче-эрла лийшаш, а нуно алят огыт пале — кӧ президент лиеш.

 9. Пелашем индеш тылзаш мӱшкыран коштмыж годым экстрасенс улмыжым шижын.

- Мо шотышто?

- Кунам тудо автобусыш пурен, тушто чылан вик мален колтат улмаш

10.  1 май – тиде кӧн пашаже уло нунын пайремышт

1. Отец Фёдор теве ынде кум ий  часамлалан оксам пога, кызытеш БМВлан гына ситарен

2. Урем дене  пӧръен ошкылеш. Йолжым кок велыш торен кая. Весе ужеш да йодеш.

- Мо лийынат?

- Холестирин вӱрыштӧ шуко,  доктор мане.

- Вара…

- Муно деке тӱкнашат ок лий ойлыш.

3. Ӱдырамаш дене мутланымыда годым ласкан да кумылын кутырыза. Мом ойлымыдам тудо ок умыло гынат, могай кумыл дене ойлымо  йӱкдам пеш чот шижеш.

4. Тендан  ацетилсалициловый кислотада уло мо?
Аспирин мо?
Вот, вот эре тиде шомакым мондем

5. Увер. Таче Российын париархше палдарыш. Колбаса соктам пӱтӧ (пост) годымат кочкаш лиеш. Садак шылже уке…

6. Ковай пазарыште помидорым ужален шога. Ончылныжо кугун гына табличкышке возен шындыме. «Помидорым  Чернобыль гыч кондымо».  Налше толешат,  йодеш.

- Ковай молан тыге возенат, огыт нал веет.

- Налыт уныкам, налыт. Кӧже оньыкуважалан, коже веныжлан..

7. Максим Галкин Алла Пугачёвам марлан налмыжлан чот ӧпкелатын. Бурановысе кова –влак улмо нерген пеш вараш пален налын.

8. Ме чыла законым пудыртен кертына. Но иктым гын нигунамат… Яра кленчам ӱстембак  шындаш ок лий.

9 . Ондак НАТон базыжым Гори олаште почыч. Тушто Сталин шочын

Кызыт Ульяновск олаште чоҥат. Тушто Ленин шочын.

Ну а кумышыжо Питерыште лийшаш дыр. Тушто, шке паледа, кӧ шочын.

1. Сектант-влак толыныт ыле. Поро паша нерген кутырышт. Мый нунылан поро пашам ыштыза, шӱкшакым луктын кудалтыза маньым гын, вурседыл кайышт

2. Тыгай кугу сеҥымаш. Бурановский кова-влакын примерыштым ончен вашке, бурановский коча-влак, группо шочшаш. Тушко «На-на » да «Иванушки»  группын солистышт пураш кӧненыт

3. Моско область тынарак вара пеш кугу ойгышто мо? Тудым  МЧС министр вуйлаташ шогале.

4. Гидромецентр каласен, тений кеҥежым лум шагалрак лийшаш.

5. — Ӱдыраш а тендам мӧҥгыда марте ужатен колташ лиеш мо?

- Лиеш. Ну и вара вигак  марлан налза.

6. Шого а компотым пакча саска гыч але фрукт гыч шолтат.

- Пакча саска гыч улшо компот – борщ маналтеш.

7. Ковай врач деке толын. Тудыжо ончалеш да ойла:

- Шӱмдам эскераш кӱлеш. Монгыда тошкалтыш дене кызытеш ида кошт.

Ик тылзе гыч ковай адак толеш. Доктор онча да ойла.

- Вот ынде шӱмда пеҥгыдырак лийын. Адакат тошкалтыш дене  коштын кертыда

- Пеш кугу тау, уныкам. Уке гын шерем темын мӧҥгем окна гыч пураш.

8. Чонлан каньысырын чучеш. Мемнан дене гантель ик ате ошо деч шергырак шога.

- Тыгак книгажат, весе ешара.

- Мемнан дене  ала молан чылажат ош арака деч шергырак.

1. Шолыштшо тюрьмаште шинчышаш – Путин каласен. Вашке Кремльым Бастилийыш савырат манын указ лекшаш.
2. Оласе кучемын лум чот луммо годым машина дене ида кошт манме ойжым иктат колыштын огыл манме деч коммунал службын пашаенже-влак веле кучылтыныт. Иктат паша лектын огыл
3. Мусульман-влак кугарнян  пашам огыт ыште, еврей-влак шуматын,  христиан–влак рушарнян. Иктаж кӧ шочмын ышташ огыл манын религийым шонен мужо ыле
4. Машина дене кудалме годым Путин Кострома кундемыште сай корнылан куанен. Машинаже шагатыште 120 километрын поктен. Ончылныжо гын, 200 меҥгым шагатыште поктен, асфальтоукладчик да корным оптышо бригаде кудалын.
5. Чыве фабрикысе чыве ден кугыжаныш чиновник-влак коклаште могай икгайлык уло?                                                         — Тидыжат и тудыжат кормушко воктене шинчат.                                                                       — А мо дене ойыртемалтыт?                                                                               — Чыве муным мунча гын, весышт удырен веле шинчат.
6. Кок одессит унала толыт. Пурымо годым иктыже йол жо дене  омсам чума.                                                                                                        — Сёма тый мо йолет деныже чумедылат?                                                                                           — Тек пошкудо-влак, шонат: нинын  кидышт яра огыл.
7.   Вот оҥай. Шем пырыс корнылан тореш эрта  да мӧҥгеш угыч кая гын тиде кок пачаш удам ыштымаш лиеш, але шӧра.