29 Май, 2011

Ане-ане-к-дот

  1. — Йӧратымем,  мыйым тылат юмо пуэн  вет? — ӱдырамаш пӧръеҥ деч йодеш.                                                                                                — Чынак, моторем, мыйже могай языкым юмын ончылно ыштенам гын.
  2. Толеш кугыза куваж деке, а тудын воктене шӱкшӧ волак олмеш Лада Гранта машина шога.
  3. Мый палем, мо тыгай целлюлит. Кунам айдеме пушкыдо вер дене шуко шона,  тушто шуко куптыр шочеш
  4. Вампир пурлеш гын, тый вампир лият маныт. Мыйым президент пурлжо ыле.
  5. Полицеский –влак мемнан деке нушкын пурышт. Ондак нуно кийыше гына улыт ыле, а ынде шогальыч.
  6. — Мылам тидетым-тугайым пуо, — аптекыште пӧръеҥ
    резинке сатум ончыктен ойла, — памперслан  кошташ ынже лий..
  7. Пашадар тиде наркотик. Огыда ӱшане. Тугеже колыштса

Пашадар налме кечын кумыл нӧлталтеш. Воштылмо да мыскарам ыштыме шуэш. (Дозым налме деч варат тыгак)

Ик гана налме деч вара эре налаш кумыл уло (тунемат наркотикланат ик гана деч вара).                                                                 Шуко жап пашадарым огыт пу гын, чыла йырым ваш шемемеш. Кумыл вола. ( наркотик  семынак)

Иктаж-могай амал дене пашадарым шукырак налат гын, кумыл чот кӱзышӧ.  (Кугурак дозо деч вара пиалан кумыллан верчын йолымат шуялташ лиеш).                                                                  Кужу жап пашадарым налме деч вара щукырак да шукырак налме шуэш. (Дозымат эере кугемдаш кӱлеш)


Сергей Карпов

http://esmetr.ru/%D0%B0%D0%B2%D1%82%D0%BE%D0%B1%D0%B8%D0%BE%D0%B3%D1%80%D0%B0%D1%84%D0%B8%D0%B9/

Вам понравиться

Комментарии:

Добавить комментарий

Ваш e-mail не будет опубликован. Обязательные поля помечены *