21 Мар, 2010

Кӧгӧрчен, шоҥго пундыш….

Кӧгӧрчен ден йӧратымыже латкок шагатлан оласе шагат воктене вашлияш кутырен келшат. Латкок шагатат  – йӧратымаш уке. Кӧгӧрчен вучен ноен.  Вич шагат кастене гына тудо шагат воктене лийын .

— Молан пеш вараш толат? Тыйын илыме верет гыч шагат марте чонешташ ВИЧ минут наре гына кая-с.

-Йӧратымем, уремыште моткоч сай кече, сандене мый йолын тольым.

2. Мераҥ онча — пасу покшелне пире кия.

— Каналтет мо, пире изай?

— Уке, шайык шинча, капканыш логалынам.

— У-у, сут янлык, пурен возын.

3. Крокодил ужеш: маймыл колым куча.

Тудым мыскылаш шонен пышта да шке семынже шона: «Йодам, мыняр колым кучен. Шуко манеш гын, аҥыра-шамычлан пиаланеш. Шагал манеш гын, Тыгак тыланет кӱлеш манын каласем».

Крокодил лишкырак ийын толеш да йодеш:

-Мыняр колым кученат?

— Ийын кай, ийын кай шке корнет дене, ужар урод.

4. -Чӱчӱ, тый чодыраште шочынат мо?

-Молан тыге шонет?

-Мыйын ачам ойла: «Адакат мемнан деке шо?го пундыш толеш»

5. Марийже мӧҥгыже йӱшӧ толын, ватыже тудым вурса. Пӧръеҥ:

-Пагалымем, мый кызыт садыгак нимом ом умыло. Тый мыланем  ойлышашетым кагазеш возо. Мый эрдене кынеламат, лудам.

6.Самырык рвезе йӧратымыжлан ойла:

-Тыйым ужмо деч вара мый кочкынат, йӱынат, тамакымат шупшын ом керт.

-О, йӧратымем, тынар чот мыйым йӧратет мо?

—Уке, чыла тидлан мыйын ынде оксам ок сите.


Сергей Карпов

http://esmetr.ru/%D0%B0%D0%B2%D1%82%D0%BE%D0%B1%D0%B8%D0%BE%D0%B3%D1%80%D0%B0%D1%84%D0%B8%D0%B9/

Вам понравиться

Комментарии:

Добавить комментарий

Ваш e-mail не будет опубликован. Обязательные поля помечены *