13 Янв, 2014

Ӧлӧҥгӧ-влак (анекдот-влак). У ийым у марий шомак дене тӱҥалына.

1.  Кумытын автобус остановкышто шогат.

Иктыже  — туфльым, пальтом чиен  да шляпам упшалын, весе телымсе кемым да телымсе пальтом, кумшо гын ужгам да портышкемым чиен.

Икымшет ик верыште тӧрштылеш, кидым лупшкеда да ойла:

— Ну йӱштӧ вет. Иктаж нылле градусшо уло дыр.

Кокымшет ойла:

— Ну, йӱштылан йӱштӧ, но  25-ше веле погына.

Тулупым чийышет ойла:

— Мом ойлыштыда. Иктаж 10 градусшо уло дыр.

2. Пӧръеҥ ватыж деч йодеш:

Йӱштӧ кугызап мемна шкафыште мом ышта?

Ӱдырамаш:

— Мыйын йодмашем  шукта.

3. 1 январь.

Эрдене кевытыште калык уке ыле.

Кечываллан йоча-влак ала-мом возымо кагаз дене толаш тӱҥальыч.

 4. Мый аракан да тамакан осаллыкше нерген шуко лудынам. Теве у ий гыч кудалташ шонен пыштышым.

— Можым вара?

—  Лудмашым.

 5. Ванныйыште пондак нӱжымӧ жапыште пелашем ала-мом мый дечем йодо. Шкаланже шкежак вашештыш. Сырен кудалтыш, вурседыл нале. Ванный гыч лекме деч вара  умылышым: ватем ойырлен каен.

6. У ий вашлийме деч ондак эн лӱдыкшо паледа мо? Чыла уло, а нимом кочкаш ок лий.

 7. Унала толмо годым, шкендан нерген каласкалаш ида вашке. Кайымыда деч вара садак тендан нерген ойлен пытарат.

8. Ик фотограф самырык ӱдыр деке унала толын. Тудыжло фото-влакым ончен лектын, куанен ойла:

— Могай сай фото-влак улыт. Тендан фотоаппартда тыгай чапле дыр?

Фотограф шып гына лиеш. Лектын кайме деч ондак каласен кода:

— Тамле  кочкышым ыштен моштеда. Тендан  чапле кастрюльда-влак улыт дыр.


Сергей Карпов

http://esmetr.ru/%D0%B0%D0%B2%D1%82%D0%BE%D0%B1%D0%B8%D0%BE%D0%B3%D1%80%D0%B0%D1%84%D0%B8%D0%B9/

Вам понравиться

Комментарии: