27 Окт, 2015

«Тупышкем шӱвал!!!» Николай Танеров каласкала.

  • 1. Оньыкува нерген

Оньыкуван  кум веҥыже лийын. Шонен пышта, веҥыже-влак тудым кузе  йӧратат манын пален налаш.

Эҥер воктене иленыт. Кая эҥер деке, вучаш тӱҥалеш  кунам веҥыже-влак эртен каят. Ужеш, кугурак веҥыже ошкылеш. Оньыкува вӱдыш тӧршта да кычкыраш тӱҥалеш.

— Утарыза! Утарыза!

Веҥе колеш да вӱдыш тӧршта, оныкуважым утара. Эрдене кынелеш, онча окна ончылно пеш чапле машина шога. Окнашке пижыктыме кагазыште возымо:

— Йӧратыме веҥымлан!

Вес кечын кыдалаш веҥыже тыгакак утара. Тудлан чапле мотоцикл логалеш.

Черет изирак веҥылан шуэш. Садет шоналта да пелешта:

— Кугураклан машина, кыдалашлан мотоцикл, мыланем велосипед веле логалеш докан. Тудлан верчын вӱдышкыжат ом пуро.

Эртен кая, оныкува вӱд йымак кая. Эрдене кынелеш, кудывечыште чапле «Мерседес» машина шога. Окнашке пижыктыме кагазыште возымо:

—  Эн чот йӧратыме веҥымлан, оныкугыза деч

2. Тупышкем шӱвал

Ик веҥе эмлымер гыч толешат оныкуважлан ойла:

— Тупышкем шӱвал.

Оныкуваже ӧрын, шинчам карен шога.

— Шӱвал манам, врач кишке яд дене йыгаш кӱштен.

Тидыже чынак лийын. Палемдыман веҥыже мыскараче лийын.


Сергей Карпов

http://esmetr.ru/%D0%B0%D0%B2%D1%82%D0%BE%D0%B1%D0%B8%D0%BE%D0%B3%D1%80%D0%B0%D1%84%D0%B8%D0%B9/

Вам понравиться

Комментарии:

Добавить комментарий

Ваш e-mail не будет опубликован. Обязательные поля помечены *