20 Дек, 2015

Шулдыран йырнык.

   Шулдыран йырнык.

— Эй, Сайтий, мо пеш шулыкан коят? А шинча йымаланет кӧ «понарым» пӧлеклыш?

— Пошкудо Марусь керте, вуйжы лан толшаш.

— Мом вара пай­лен ышда керт? Ала каза гвардиет ковыштажым авызлен лекте?  

Авызленжак ыш шукто шол…

— Пӧрык тӱҥалмеке, айда ойло-ойло, ит аптыране.

— А мом тушто ойлашыже, шке языкан улам. Урем гоч нунын велыш ончальым  гын, ужам, Марусь окнажым пеле почынат, кидшым рӱза да рӱза, пеш солкала. Уш-акылем пуйто вигак волгенче перыш: «Ага, шонем, ватемын Коян пазарыш кайымыж шеҥгеч мыйым шкеж дек ӱжеш, моло огыл». Шуко юватыл шогыде, Марусьмыт деке юрт веле койым.

— Ну, и?..

— Чынжымак, «ух, караул!» толын лекте вет. Марусь мыйым ужын огыл, чоҥештен пурышо кугу пормым тыге покта улмаш. Саде шулдыран йырнык верч мыламат сайынак логале, керемет!

 Ю. ЙӰШТЭРГЕ.    http://cholman.ru/


Сергей Карпов

http://esmetr.ru/%D0%B0%D0%B2%D1%82%D0%BE%D0%B1%D0%B8%D0%BE%D0%B3%D1%80%D0%B0%D1%84%D0%B8%D0%B9/

Вам понравиться

Комментарии:

Добавить комментарий

Ваш e-mail не будет опубликован. Обязательные поля помечены *