13 Дек, 2016

Мый денем эше киношкат, театрышкат кошташ лиеш мане….

1. Ӱдырамашым марийжым чот кырымылан судитлат.

Судья йодеш:

— Молан те тудым тынаре кыренда?

Ӱдырамаш:

— Тудо кастене марием мыйым паша гыч вашлие, мӧҥгыш кондыш, тутлын пукшыш, спальныйыш пуртыш, ончыч сорташ тулым пижыктыш, вара ныжыл семым колтыш… А вара кенета оҥырешлен воштылаш тӱҥале: «Икымше апрель дене, шергаканем!»

2. Кок йолташ вате мутланат. Иктыже ойла:

— Пелашем мыланем чиян телвизор дене стереосистемым налын. Мӧҥгыштак шинчем, нигушкат ом кошт.

— А мылам пелашем DVD плеерым налын. Чӱктӧ да мом шонет, тудым ончо.

— А тылат мом налын? –кумшо деч йодыт.

— А мылам пелашем нимом налын огыл. Мый денем эше киношкат, театрышкат кошташ лиеш мане….

3. Эрге ачажлан ойла:

— Ачай, теве тый банкир улат…

— Вара мом калсынет эргым?

-Калык деч погымо окам ик жап гыч озаштланак п ӧртылтет гын, молан тудым аралаш  налат? Нигузе умылен омкерт, тидыже тылат  молан кӱлеш?

— А тев молан: ончал коя моклакам налам лийже (холодильникым почеш да кугу моклакам луктеш). Ынде тудым кийыме верышкыже мӧҥгеш пыштем.

Эрге, нимом умылыде, ачаж ӱмбак онча.

Ача:

— Эх тый, ораде, а кидемжым ончал, могай коян!


Сергей Карпов

http://esmetr.ru/%D0%B0%D0%B2%D1%82%D0%BE%D0%B1%D0%B8%D0%BE%D0%B3%D1%80%D0%B0%D1%84%D0%B8%D0%B9/

Вам понравиться

Комментарии:

Добавить комментарий

Ваш e-mail не будет опубликован. Обязательные поля помечены *