10 Май, 2017

Кокытлан шукырак. Анекдот-влак.

1. Пӧръеҥ пакчаште пургедын да пеш тошто кувшиным муын луктын. Туржеш тудым, трук джин  лектеш да каласа:

— О, мыйын повелителем, тӱжем ияш плен деч тый мыйым утарышыч, йод мо кӱлеш, мый тыйын кеч-могай ИК тыланымашетым шуктем. Но пален лий – пошкудет кок гана шукырак налеш.

Марий келгын шоналта, шӱлыкаҥ кая, но шукылан огыл.

— Тыге ыште: пелшинчам сокыр лийже.

— Колыштам, мыйын повелителем, – вашешта джин.

Ик кече эртен кая. Пӧръеҥ уэш кувшиным туржеш, джин лектеш. Мариет тудын деч йодеш:

— Колышт, мыйын ик шинчам ужеш, а пошкудемын – кокытшат.

А джин вашешта:

— Чыла чын: тыйын ИК шинчат ужеш, а пошкудетын – КОКЫТ! Каласышым вет, кокытлан шукырак лиеш.

2. Моллан кок ӱдыржӧ марлан лектыныт. Икана, кузе нуно илат манын, тудо пален налаш да миен толаш шоналта.

Ончыч тудо кугыракше деке толеш. Сайжат, удажат нерген нуно мутланен налыт, да, пытартышлан, ӱдыржӧ каласа:

— Тений веҥыч шыдаҥым ӱдыш да сай йӱр ден сай лектыш лиеш гын, тудо мылам порсын тувырым налаш сӧрыш.

Молла йӱр нерген кумал налеш. Вара изирак ӱдыржӧ деке толеш. Изирак ӱдыржӧ каласа:

— Веҥыч шуко мамыкым ӱден. Кызыт тудо пеледаш тӱҥалын. Марием каласыш: «Йӱр ок лий гын  да мамык ок локтылалт гын, мый тылат тувырым налам».

Йӱр ынже лий манын, молла кумал налеш. Лектын кайыме годым каласа:

— Ӱдырем, тиде тӱняште тыге: ик ака-шӱжарлан йӱр кӱлеш, а весыжлан – кукшо игече. А ачалан икте кодеш – когыньыштланат кумалаш.

                                                                               https://sites.google.com/site/uilyskun/tema-dene-stata-vlak/myskara                                                                                                          

Сергей Карпов

http://esmetr.ru/%D0%B0%D0%B2%D1%82%D0%BE%D0%B1%D0%B8%D0%BE%D0%B3%D1%80%D0%B0%D1%84%D0%B8%D0%B9/

Вам понравиться

Комментарии:

Добавить комментарий

Ваш e-mail не будет опубликован. Обязательные поля помечены *