15 Июл, 2017

«Спагетти, спагетти, спагетти, спагетти. Кокытшо сосискан, кокытшо сосиске деч посна». Анекдот-влак. Ӧлӧҥгӧ-шамыч.

1. У руш Италийыш каналташ миен. Тушто мотор ӱдырым вашлийын да вакшышыш пыштен кертын. Кече почеш кече эрта, мӧҥгӧ пӧртылашат жап толын шуын. Мотор ӱдырет чеверласыме годым мӱшкыраҥынам вет манеш. У рушет ойла:

Мый мӧҥгӧ пӧртылам, ватем дене ойырлем да тый декет тӧлам.

А азам ыштымем нерген тылат кузе увертараш?

— «Спагетти» мутан телеграммым колто, мый чыла умылем.

У руш мӧҥгыжӧ чоҥештен. 9 тылзе эртымек, ватыже паша верышкыже йынтырта да ӧрыктарыше телеграмма толын манын увертара. У рушет мӧҥгӧ толеш, телеграммым лудын лектеш да ушым йомдарен шуҥгалтеш. Телеграммыште возымо: «Спагетти, спагетти, спагетти, спагетти. Кокытшо сосискан, кокытшо сосиске деч посна».

 2. Ӱдырамаш зоопаркыш 15 йочам вӱден намиен. Нунылан гориллым пеш ончыктынеже.

Зоопарк пашаеҥ   тудлан ойла:

Те вараш кодында. Зоопарк петырналтеш.

Кузе тыге, ме пеш мӱндырч толынна. Гориллым ужнена ыле, Йоча-влакын кумылышт чотак вола вет.

А йоча-влакше чыланат тенданак мо?

Да.

Тыште вучалтыза. Мый тендам ончалаш гориллым кондем.


Сергей Карпов

http://esmetr.ru/%D0%B0%D0%B2%D1%82%D0%BE%D0%B1%D0%B8%D0%BE%D0%B3%D1%80%D0%B0%D1%84%D0%B8%D0%B9/

Вам понравиться

Комментарии:

Добавить комментарий

Ваш e-mail не будет опубликован. Обязательные поля помечены *