28 Фев, 2010

Автобиографий

Автобиографий але Мартин Васлин Эчен Микужын эн кугу эргыже Сергейже.

Карпов СергейЛӱмем Сергей-Серёжик-неррожик, изием годым тыге маныт ыле, артист семын Сергей Карпов, начальник семын Сергей Владимирович.

Шочынам США-те. Огыда ӱшане. Кужеҥер районыште  Саламатнур, Шойдум, Аганур ял-влак улыт. С-Ш-А. Шеҥгел марийыштет. Э-э-э  шеҥгел марий шотыште. Весела  студент мӧҥгӧ велышкыже миенат,  саламлалтеш:

—Салам лийже, шеҥгел марий-влак!

—Кугурак-влакет: «Тый мо!»

—Да мыйже кап-кыл ужаштен шым ойло вет.                                                                    Негызым пыштен Мартин Васлий Эчен Микужо. Ачам. Эн кугу эргыже Сергейже  улам. Варажым 4 эрге, 2 ӱдыр. Нер йогымо жап СШАште эртен. Вара Мороккош, кокымшо китайышкет илаш каенна, Морко район Шеҥше селашке. Пырля, кызыт Шкетан  театрыште ыштыше, Светлана Ягулбаева-Сандакова ден 11 класс марте шинчен лектынам. Аттестатыштем ик 3 гына шинча. Марий литература дене. Школ деч вара автослесарь-шофёрлан тунем лектым. 10 ий эртымек рульым кученам. Ик ият пеле армийыште служитлен тольым. Служба мучаште гына автоматым ужынам. Лу ий курчак дене модынам. Изиэм  годым модын темын омыл ала-мо. Курчак театрыште артист пашатым шуктен шогенам. Марий паркыште Айт Мигыта Васлий Элексе Васлий Николайын Аля ӱдырже дене палыме лийым. Кум ий коштмо деч вара нальым. А тышеч адак анекдот лекте.

Пелашемын шӱжарже деч вес ӱдыр йодын.

— Акат маныт марлан каен.

— Каен.

—Мӱшкыран мо?

—Уке.

—А молан марлаже каен.

А икымше гана ончыкылык оньыкува (тёща) деке йӱштӧ кугызам чиен миенам да палыме лийынам. Костюмжым Йошкар-олаштак чиен лектын, автобусыштат тыгак каенна. Параньга район Елеевыш  шумеш.

Вес ийжын олаште чиен лектынам ыле. Чылан саламлат, саламлаш йодыт йӱшӧ-влакет. Аракам тудо чылан темат. Ик грузин ма, армян ма, ну шеме-влак дечет мый декем толын шогале тӱкым лукто. Ну шонем коньякым йӱкта. Могай? Ик бутылка фокинскиетым темыш да ойла, «выпей до конца за моё здоровье». Мыйын уш пошол. Йӧра, йолташем-влак полшышт.

Теве  илышемын йыжыҥже. «Эрвел Марий» ансамбльыште куштенам, «Мари» ансамбльште куштем, веҥым Башкирий гыч, шешкым Киров вел. Марий нюсляков, э-э-э Масляков лийынам.

А кызыт мый америкыште гай илем. Магнитола кредит, телевизор кредит, телефон кредит, компьютер кредит, пелашем кредит, шкежат …. Шого-шого ала мом веле ойлыштам. Теве манам тыште шогылтам да тыгерак илыштам.


Вам понравиться

Комментарии:

1 Комментарий

  1. Автар, жжёшь, песши есщё!!!

Добавить комментарий

Ваш e-mail не будет опубликован. Обязательные поля помечены *