28 Фев, 2010

Тӱвыраже –ӱвырак але Эмгак — нетрудоспособный

Пытартыш жапыште тӱрлӧ оҥай илышыште каен шога. Теве учёный-шанчыеҥ Иван Григорьевич Иванов у мут-влакым марий йылмыш пурташ темла. Тыштат воштылтыш  шуко.

Ӱстелъеҥ—чиновник. Ончалат нуным-м-м…  Чын ӱстел деч вара эре мӱшкыр тӱмыр кугу.

Ӱдыргаче—молойож. Рушлаже ала, но марлаже сылне.

Ӱстелвуй—тамада. Вуй, тудо, вуяк.

Чий—порок, дефект,недостатке. Чиен шогалаш маныт ала-мо?

Чок—жертва, жертвоприношение. Изи годым колалтын: чок-чокым ыштен кодат маныт ыле, чокракын!

Бизнесъеҥ-бизнесмен. А молан пел мутшым веле марлаҥдыме.

Возык—запись. Возык—воз, возак гай веле йоҥга.   Тӱвыра—культур. Тӱвыра – ӱвыра, тидым колын улыда, шонем.

Пӧтреч—поршень. Пӧле—пол, половой.

Пӧле наста—половой член. Половой тряпкет огыл, правительство членат огыл, но такшым чыланыштынат уло. Ну, половой член- вожыльым вигак ойлаш.

Почпырче—зерна. Ме ялыште  эре зерна манына да. Ынде ала-могай почын пырчыжым коч.

Тиште- тиде мутышто таче мартеат южгунамже йоҥылыш лиям. Эре тисте-флаг дене путайкалем.

Эмгак – нетрудоспособный. Такшым гын мемнан поэт, драматург, писачыл йолташнаже пеш трудоспособный. Шуко возымыжо уло.

Тиде мыланна йӧндымын чучешат,  ала-мом толашат, пашашт уке да, манын кычкырена. Шоналтен, тыгерак кошартынем: умбакыжымат рушаҥше мут-влак каяш тӱҥалыт гын, марий йылмыже молан  кӱлеш?


Вам понравиться

Комментарии:

Добавить комментарий

Ваш e-mail не будет опубликован. Обязательные поля помечены *